تفاصيل مباردة كورسات جوجل المجانية

جوجل أطلقت مسارات تعليمية تحت اسم “شهادات جوجل المهنية” (Google Career Certificates) ودي بتقدم أساسيات مجالات كتيرة للناس يذاكروها، ويقدروا بعدها يشتغلوا أول شغل كـentry-level job وبعده يكتسبوا خبرة ويترقوا وخلافه.
المسار من دول بيكون متكون من حوالي 7 كورسات مثلًا، وجوجل بتقول إن المسار الواحد تقدر تخلصه في 6 شهور بمعدل مذاكرة 10 ساعات بس كل أسبوع.. حلو؟

جوجل بتخطط إنها بالمسارات دي تحل كذا مشكلة:

إنها تقلل من نسبة البطالة في أمريكا بشكل أساسي-خلينا نكون صريحين- وفي العالم كله عموما.

إنها تساعد الناس اللي مش قادرة تدخل جامعة -أغلب الجامعات في أمريكا غالية فعلا- إنها تذاكر نفس محتوى الجامعات وتشتغل.

تسد الفجوة بين الدراسة والخبرة؛ فـ المسارات دي بيبقى فيها مشاريع بيشتغل عليها الطالب

ولما بيخلص المسار بيبقى أنجز كذا مشروع -غالبا بيكونوا من 1 لـ3- يقدر يذكرهم في البورتفوليو/السي في بتاعه.

مش بس كده، جوجل بتقدم 200 ألف فرصة لحاجة اسمها Apprenticeship،

ودي زي المنحات الدراسية لكنها منحة لممارسة المجالات دي بشكل عملي بعد ما الناس هتدرسها، عشان يبدأوا كمان في اكتساب خبرة عملية على أرض الواقع، في أماكن زي أمريكا وأوروبا والشرق الأوسط وأفريقيا.

المجالات المتاحة:

Project Management

IT support

Data Analytics

UX Design

Android Development